« Son ambition faisoit qu'il se despitoit, courrouçoit et douloit quand il se sentoit mespriser. »
« Et combien qu'ilz fussent plusieurs à l'entour de lui à le charpenter, si ne pouvoient ilz trouver moyen de le tuer, tant il estoit fort armé. »
« Il ne hantoit en leur part aucune navire pour y traffiquer. »
« D'advantage, cela estoit une emorche, qui attiroit les jeunes hommes à se marier. »
« La ville estoit contaminée de quelques cas abominables, qui avoient necessairement affaire de purgation. »
« Marius endura patiemment toutes les extremes angoisses de douleur qu'il estoit force qu'il sentist quand on l'incisoit, sans remuer, sans gemir, ny souspirer. »
« Un satyre admonesta un jour Minerve, que ce n'estoit point bien son cas que de jouer des flustes. »
« Il se mit à la voile sans aborder nulle part, sinon où il estoit contraint à ce faire pour prendre vivres ou faire eau. »
« L'eloquence et la louange de bien dire estoit des jà le but ordinaire, auquel aspiroient et taschoient de parvenir tous les jeunes hommes romains. »
« Les choses qui ensuivirent depuis, declarerent que ceste suspicion estoit entierement veritable. »
« Par une follie de vaine ambition il s'estoit forvoyé et en avoit failly la droite voye. »
« Ce qu'il avoit dit rondement en peu de paroles, le truchement leur interpretoit et redisoit par une longue circuition et grande trainée de langage. »
« Si estoit bien aise de s'ouyr saluer et nommer Philellen, c'est-à-dire amateur des Grecs. »
« Et trouva l'on que la victoire avoit esté gaignée le mesme jour que le bruit s'en estoit levé à Rome, combien que les lieux soient distans l'un de l'autre de plus de douze cents cinquante lieues. »