« Et se repentoit bien fort, que l'on n'avoit pas fait le procès à Alcibiades, sur des charges et informations si grandes, lorsque l'on le tenoit entre mains. »
« Ilz allerent avec une puissante armée devant la ville de Rome, laquelle estoit alors difficile à approcher. »
« Il n'eut onques le cueur de ce faire, tant il estoit lasche, ains attendry par je ne sçay quelle esperance, aima mieux estre luymesme partie de ses propres despouilles. »
« Comme il appartenoit à un personnage qui avoit donné de si grandes arres de l'affection qu'il portoit à son païs. »
« Il admonestoit ses gens d'y passer sans y faire aucun dommage, comme en païs qui leur estoit jà tout acquis. »
« La beaulté de l'acte en soy estoit ce qui plus le sollicitoit et l'esguillonnoit. »
« Il se doubtoit fort que ses actes seroient beaux et glorieux, mais que, après avoir fleury peu de jours, ilz se feneroient et passeroient incontinent. »
« Caesar changea sur l'heure de plusieurs couleurs, monstrant evidemment à la face qu'il sentoit toutes sortes de mouvemens en son cueur. »
« On eust dit, à voir le bataillon des Lacedemoniens, que ce n'estoit qu'un corps, comme de quelque beste courageuse qui se herissoit et se preparoit pour combatre. »
« Desesperant de pouvoir jouir de ses amours, il se noya; de quoy Thesaeus estant adverty, et aussi de la cause pour laquelle il s'estoit ainsi desesperé, en fut fort dolent et marry. »
« Lui voyant que le peuple en estoit indigné, l'aigrit et irrita encore davantage. »
« Il retumba de rechef en la maladie qu'il avoit de longue main enracinée et née en luy, c'estoit l'avarice et la chicheté. »
« Les autres ont escrit que cette Phaea estoit une brigande, meurtriere, et abandonnée de son corps. »
« Pompeius, comme voulant reparer à l'envie que l'on en eust peu concevoir contre Caesar, pour l'amitié qu'il luy portoit. »